شنو اللي يميز هالبرنامج؟
- الجمع بين التعليم والترفيه: نركز في البرنامج على عالم الأعمال بصورة كبيرة. ومن هني، حرصنا أن يكون ممتع وتفاعلي للمشاركين. راح يضمن تدريبات وأنشطة ومسابقات وايد، لأن نبي يكون مستوى الحماس عندكم مرتفع في كل يوم تكونون فيه في البرنامج.
- محاكاة واقعية للموافقات الداخلية: راح تمرون بنفس الخطوات اللي تتبعها فرق المنتجات في بوبيان، مثل عرض فكرتكم حق لجان الرقابة الشريعة ومتابعة الالتزام وإدارة المخاطر في بوبيان، وهذا طبعاً حسب الأطر والمعايير المتبعة في البنك.
- دمج أدوات الذكاء الاصطناعي في مراحل التدريب: راح تقدرون تستخدون أدوات الذكاء الاصطناعي بصورة أساسية، وتستفيدون منها في الأبحاث الخاصة بالعملاء وتحليل الجوانب اللي ممكن نحولها لفرص نستفيد منها. غير هذا، راح تستخدمون هذي الأدوات عشان تسوون وتصممون العروض التقديمية للمستثمرين وتطوير المنتجات.
- عرض المنتج على الإدارة العليا في البنك: في اليوم العاشر، راح تعرضون منتجكم على الإدارة العليا في بنك بوبيان، وأفضل المنتجات راح تدخل للبحث والتطوير لأن الأفكار الواعدة راح نتبناها عشان تصير منتجات رسمية نطلقها بصورة فعلية داخل البنك.
